كتير بنخسر حاجات بس فى حاجات بنخسرها برضانا وحاجات غصب عننا
كتير بنقابل حاجات حلوة بس مش هيا الى نفسنا فيها
كتير بنودع حاجات مرة بس هى الى بنحبها
كتير بنقابل ناس صادقة وبنكدبهم علشان نصدق ناس كدابة
كتير بنرفض حاجات علشان محنش قدها رغم انها كتير بتكون قدنا
كتير بنودع فى ناس هما مش عارفيين ان روحنا فيهم
كتير بنقابل صدف حلوة بنضيعها بنفسنا
كتير بنحب على روحنا وروحنا مش حبانا
وكتير بنعيش فى احلام جميلة بس ياخسارة بتخلص بسرعة قوى
هناك 23 تعليقًا:
بصى يا ستى
اللى بتخسريه برضاكى دا مكسب واللى غصب عنك خلاص ماتندميش عليه عشان الندم مش بيرجع الحاجه
اما الحاجات الحلوه اللى بتقبليها وانت مش نفسك فيها فأحمدى ربنا عليهاعيشى اللحظه وماتفكريش فى اللى نفسك فيه والحاجات المره اللى بتودعيها وانتى بتحبيها احمدى ربنا عشان اكيد مش ليكى
اكيد العيب فيكى فى الجزء ده صدقى الصادق والكداب كداب
اما الوداع دا اصعب حاجه ممكن تمر على الانسان وخصوصا لو كانت روحنا فيهم
اعرفى دايماان الاوقات الحلوه بتمر بسرعه البرق اما الحاجات الوحشه بتمر زى القطر القشاش اللى مش بيقف فى كل محطه بس كمان بيقف لما واحد يشاورله
سلااااااااااااام
وعندما يتراكم ذلك الـ (الكثير)
ندرك أحيانا ما فعلنا
كما أدركتِ أنتِ هنا
...
كلمات عميقة جدا
حزينة جدا
لكنها تبقى ممتعة بمسها جانبا من جوانب الوجدان
...
سلامات مُسبلات
عزيزتى
اول حاجه مفيش حد بيخسر حاجه برضاه حتى لو وافق على الخسارة اكيد فى شئ او ظروف اضطرته يخسر الشئ ده
جميلة اوى الجملة دى
بنقابل ناس حلوة بس مش اللى نفسنا فيهم اه صحيح اللى نفسنا فيهم مش عارفيين نلاقيهم يمكن علشان احنا طماعيين وعاوزين اللى نفسنا فيهم شئ مش موجود خيالى يمكن
مفهمتش اللى بنودع حاجات بصراحه
الناس الصادقه والكدابه معرفيين بس احنا اللى بنحب نصدق ناس علشان ما نخسرهمش
واللى بيرفض شئ قده فى وقت واده فى وقت تانى لان اهوائنا والنفس بتغلب واللى عاوز يعمل حاجه بيعملها بس ساعات بيهرب من عملها بكلمة اسمها الظروف
اكيد بدل مش عارفيين ان روحنا فيهم اكيد هنودعهم يوم
والصدف الحلوة بنضعيها يا بطيبتنا يا بغبائنا
برضوا بنحب على روحنا مش فاهمها
اكيد معظم الاحلام الجميلة بتخلص بسرعة وساعات كتير مش بتبتدى اساسا
بجد كلام جميل
بحيكى
سلاام
كتير بنودع فى ناس هما مش عارفيين ان روحنا فيهم
وجعتنى اوى الجملة دى
انا يمكن كاتبة من كام يوم بوست اسمه السندان والمطرقة بيتلكم على محتواها
تحياتى ليكى
جميل اوي البوست ده ,لانه بيلمس اشياء ومواقف اكيد كتير منها مر بحياتنا
كتير بنودع فى ناس هما مش عارفيين ان روحنا فيهم
المعني ده صعب اوي لانه بيحمل وجعين مؤلمين , وجع الفراق ووجع ان اللي بنفارقه ده رحل عن عالمنا وهو معرفش بجد حقيقة مشاعرنا
وكتير بنعيش فى احلام جميلة بس ياخسارة بتخلص بسرعة قوى
ساعتها بنبقاش عارفين الافضل اننا مكناش حلمنا خالص ولا برده اتظل ذكري الحلم الجميل ده تحمل بعض السعادة لانفسنا
سعدت بمروري الاول في مدونتك
تحياتي
محمد
اول مرورى ليا عند حضرتك
قلمك رائع
صادق
وواضح من حروفك ما تعانيه
تحياتى لقلمك المميز
احمد سكر
كل نقطة بتحصل مع كل واحد فينا يمكن في اليوم اكتر من مرة
فعلا احساسك صادقك
مدونة رقيقة وجميلة
ربنا يبارك فيكي ويحفظك
بصى ياست
مش عارفة
كلامك جميل قوى بس حاجة هوضحها ليكى ان الناس الى كدبين وبنصدقهم انا اصلا معرفش انهم كدبين ومش بصدقهم على مزاجى انا بعد مبصدقهم بكتشف بعد فترة كبيرة انهم كانو غلط انما بجد مش بمزاجى
شكرا على كلامك الجمل دة
حلوة قوى حتة سلامات مسبلات
اول مرة اسمعها
انا بشكرك جدا على كلامك الجامد دة
نورتينى
احساس لسة حى
احلى سلااااااااااااااام
لآحلى كلااااااااااااااام
احب اقولك ان الجملة دى عجبنى فيها كلامك(احنا الى بنحب نصدق ناس علشان ما نخسرهمش)وهوة دة الى انت وضحته ليا لآنى بجد كنت مفتقدة الكلمة دى
وحاجة كمان حتة الظروف دى صحيحة قوى لآنها بتمنعنا عن حجات يامة انا حسة انها بتمنعنى بس برأى الكل انها مفيش اى مانع بس انا بردة الى ببعد لآنى مبحبش الآحراج ليا وكلنا كدة طبعا
وبنحب على روحنا دى مش لآى حد دى للناس الى مشية تحب عى روحها وتخدع ناس ملهاش الخداع
سلااااااااااااام ياجميل
عزيزتى cat
شكرا قوى على اهتمامك
وانا قريت البوست بتاعك وعجبنى قوى
نورتى المدونة
سلااااااااااااااام
استاز محمد
انا بجد الى سعيدة جدا بمرورك
كلامك جميل قوى
احب اعرفك حاجة الاحلام دى يمكن تكون هى الى مصبرانا على الحياة الى احنا عيشنا هى بتخلص اة بس احنا الى بنفضل عيشين الدور
شرفتنى ياقمر
سلاام
استاز احمد سكر
شكرا قوى على اهتمامك
وفعلا انا بعانى كتير قوى بس محدش بياخد بالة خالص علشان كل واحد الى فية مكفية
وربنا يخليك انا مش عاية اى مجاملة
نورنى قلمك
سلاااااااااام
الباشا صاحب المضيفة
شكرا على الحضور
وعلى فكرة مفيش حد بيكتب حاجة هو مش حاسس بيها
وربنا يبارك فيك انت ويحفظنا جميعا
سلاام
طول ما احنا عايشين هنشوف فى الحياة الكثير والكثير من المواقف والاحداث بين الفرح والحزن
وايضا سنصادف فى الحياة الكثير من البشر من هو صادق ومن هو كازب والخ
لكن مهما كان علينا عدم الاستسلام لما نرى
ونعيش حياتنا بكل قوة
فهى موجود فيها الخير والشر
وعلينا ان نعرف كيف نتعامل مع كل حدث
تحياتى
كلها تجارب بنتعلم منها عشان نحاول اننا نعمل الصح فى الاخر كلامك جميل واحساسك رائع وقولتى اللى كلنا بنحس بيه تحياتى ليكى
استاز تامر شكرا على الاهتمام
بس احب اقولك كلنا عرفين الصح والغلط بس علشان نرضى الى بنحبهم بنعمل الى بيحبوة
نورت المدونة واللة
سلاام
عزيزتى FaceMoon
اولا نورتينى بجد
ثانيا فعلا كلنا بنحس بحجات كتير فيها الصح وفيها الغلط بس لاسف مين فينا يعترف بالغلط
سلاام
عزيزتى
يعنى انتى مش هتكتبى حاجه تانى ولا ايه
وكمان مش بتخشى على المدونة التنية ليه
وكمان مش تقرى اخر حاجه كتبه احسن
وكمان..بس كده
عاوزين بوست جديد
سلام
كتير بنقابل ناس صادقة وبنكدبهم علشان نصدق ناس كدابة
كتير بنرفض حاجات علشان محنش قدها رغم انها كتير بتكون قدنا
كتير بنودع فى ناس هما مش عارفيين ان روحنا فيهم
----------------------------
كلام جه عالجرح
بس بصي يا ستي
الندم عاللي راح مش هيفيد بشيء
اي حاجه بتضيع مننا اكيد ملناش نصيب فيها
واي حاجه بتجيلنا تبقي هيا نصيبنا وقدرنا
لازم نعيش الحياه بحلوها ومرها
(احنا مش في جنه )
استاز احساس لسة حى
بصراحة كدة انا متغاظة من اسمك اصلو عجبنى مووووووووووووتتيجى نبدل
المهم انا خلاص خبصت الموضوع الجديد
ادعيلى بقى افضى ونزل
سلااااااااااام لاجمل احساس
اللة عليكى يا ليكوريكا
حلة قوى احنا مش فى جنة تعرفى انك اول وحدة تخلينى اخد بالى من الموضوع دة احنا مش فى الجنة ولا فى النار احنا ممكن ندى على النار بس عمرنا مندى ابدا على جنة
سلاام ياقمر
نورتينى
إرسال تعليق