نفسى فى حاجات كتير بس مش لقياها
حاجات صغيرة قوى بس تايهة منى
رضيت بأقل حاجة بس هى الى مرضيتش بيا
حبيت كل الناس بس الى حستهم ملقتهمش
حبيت اغلى قلبى رخص
نفسى اعلى واطير بس ملييش أجنحة
عايزة حد يحضنى ويقولى انو بيحبنى
امتى هلاقى القلب الى يحضنى ويحسنى
عايزة حب يخدنى لبعيد ويشدنى
فين الايد الى تحضن ايديا
فين بحر الحب الى هيغرقنى
نفسى اقول كلام كتير ساكتة ومدرياة
نفسى ياناس اتحب
حد يقدر يحبنى
هناك 6 تعليقات:
ربنا كاتب ليكي واحد في الدنيا دي هايوكن حبه ليكي هو قمة العفة والمتعة والخير
ادعي ربنا من كل قلبك انه يجي قريب جدا وانا بادعي معاكي
وبعدين دوري في اللي حواليكي هاتلاقي في ناس كتير بتحبك وانتي مش واخده بالك
كل المطلوب منك انك تبصي حواليكي حلو
وساعتها هاتعرفي انهم كتييييييييييير
ربنا يرزقك بما تحبيه ويحبك
تحياتي
الحب شعور واحساس جميل
هو اساس للحياة السعيدة الناجحة
ويحتاج الى طرفين يقدر كل منهما الاخر ويحبة دون اى مصالح
حب كلة تضحية وعطاء من الطرفين
ربنا يوفقك
تحياتى
صاحب المضيفة العزيز
اولا منور
ثانيا كلنا عرفين ان كل واحد مننا لية نصيبة الى مكتبلو
ثالثا انا بدعى من كل قلبى انو يجى بقى علشان بجد انا محتجالة قوى
وعلى موضوع انى ابص حوليا فأنا بصيت وشفت وطلع كداب علشان كدة مش ناوية ابص حوليا تانى انا ببص بعيد شوية
سلاام ياقمر
ايوة ياتامر
حلوة قوى حتة مصلحة دى
انا بقى متأكدة ان الى هايجيلى مش هيكون عندة اى مصلحة
لانى مملكش غير حبى لية
ههههههههههه
سلاام ياقمر
عزيزتى
انتى كمان نفسك وانا نفسى بس بقه امتا اللى فى نفسنا نحققه
انا عاوز احقق ربعه حتى شوفتى ازاى
ايه اقل حاجه دى اللى رضيتى بيها كلمة غير مفهومة
حبيت كل الناس ده المفروض لان نكره الناس ليه ولاكن مش لازم اللى نحبه يحبنا بنفس القدر او نفس الاحساس
ولو عاوزه حد يحبك بجد بلاش تبحثى عنه هو هيلاقيكى من غير ما تدورى عليه المهم بلاش تتلهفى انك تلاقيه بدل ما تختارى حد غلط
وساعات حبينا للحب يخلينا نحب غلط
وانتى صغيرة ولسه الوقت ادامك
اصبرى بدل عاوزه حب حقيقى وبجد
وانا كاتب حاجه بمعنى كلامك اخر حاجه كتبتها
نفس المعنى
بس فرق السن يحكم فى مقدار الاحتياج يا افندم
اصبرى شوية
سلام
احساس
انا صابر على بيجرالى وهى لا ليها عزيز ولا غالى
انا صابرة لسبب واحد
بس انى مش بأيدى غير الصبر
والحجات القليلة الى رضيت بيها انى جربت احب ناس متصلحليش خالص وبرضو منفعش
انا عايزة احب لسبب انى كنت عايشة اجمل حب بس خلص علشان كدة انا مش مستحملة حياتى من غير حب عرفت بقى
وخايفة بعد مصبر ملقيش بردة الحب الى بجد
دى تبقى وقعة طين لو ملقتهوش
سلاام ياقمر
إرسال تعليق