تعرفه أه عشرته لاء.......... يبقى متعرفوش

بصو انا هدخل فى الموضوع على طول من غير اى مقدمات خالص
لما واحد يكون كويس قوى منين انا هعرف انه كويس من غير ماأعشرة
يعنى اوضح اكتر
فى ناس انا اعرفها بتبص للشكل
وناس بتبص للمستوى المادى
وفى ناس بتبص للسمعة
وفى فرق كبير بين سمعة الشخص وسمعة اهلة
يمكن هتقولو ان مفيش فرق بين سمعة الشخص وسمعة اهلة
لالالالالالالالالا دا الفرق كبير قوى وزى مابيقولوا
(يخلق من ظهر العالم فاسد ويخلق من ظهرالفاسد عالم)
ولا اية
يعنى مش معنى ان الاهل مش كويسين هيبقى زيهم
انا مش عارفة الناس اليومين دول بقت بتبص لحاجات غريبة قوى
يعنى الواحد لما يختار واحدة ويقول انا عايز اخطب فلانة
يبتدى تحصل حرب عند اهلة وطبعا الاسئلة بتكتر
اولا.ابوها مين
ثانيا.اخوها معاة اية
ثالثا.اختها متجوزة فى بيت مين
رابعا.اخوها مناسب عيلة مين
وعلى كدة اسئلة ملهاش دعوة بالبنت الى المفروض انها هى الى هتدخل البيت دة
طبعا بيكون فى واحد مكلف بالمهمة دى علشان يجمع اكبر معلومات عن اهلها
ونعتبر ان المواصفات اكتملت
يبتدى الحرب رقم 2 تبدأ عند البنت العروسة يعنى
يعنى نفس الاسئلة
ابوة واخوة واختة وعمة وخاله وعمته وخالته
وطبعا هما كمان هيكلفوا واحد بالمهمة دى وتبقة وقعة طين لو كان الواحد دة بيحبهم شوية
هيلخبط ليهم الدنياوتبقى الجوازة مش هتم ولو بالطبل البلدى
وبردو بيصدقو اى كلام يسمعوة كان الناس دى اعداء ليهم من زمان ومستنيين ليهم على غلطة
وبعد دا كلة هل ياترى حد فيهم سال على الشخص نفسة
سألو على الناس الفرعيين بس يعنى الشاب والفتاة متسألش عليهم أصلا
مش يبقى حرام
لما ناخد ذنب ناس بناس وطبعا لو فى طرف رفض الموضوع دة
يبقى الطرف التانى اعلن الحرب على الطرف الاولانى
ولازم يطلع فية العبر
ويقول الاب لبنتة ولا ابنة الحمد للة انها جات منهم انا اصلا مكنتش موافق
اسكت انت متعرفش ابوها طلع مين
دى كلة فى حالة الرفض اما بقى لو حصل قبول دى نصيبة تانية خالص
يبقى لية بقة نبص للشكليات
مش حرام نتظلم بأهلينا
والمواضيع كلها مواضيع عشرة مش اكتر